☀️唔經唔覺，下個月包包仔就三歲啦！在這之前一定要把握最後機會去主題公園玩餐勁既（三歲以內免門票😆）其實我哋上一次一家去迪士尼玩真係差唔多三年前啦！係包包仔滿月，亦係我坐完月既大日子🤣趁住今年迪士尼既萬聖節活動已經開始咗又適逢中秋假期，梗係要約埋朋友一齊入園玩個痛快啦。
其實萬聖節嘅迪士尼我都係第一次嚟咋！見到到處都充滿住萬聖節嘅氣氛，仲有好多南瓜🎃嘅裝飾，好可愛啊！精品店裏面都有好多關於萬聖節嘅產品💕為食既哥哥仔同包包仔都係對飲飲食食興趣比較大，所以揀咗Oogie Boogie爆谷筒同埋Jack飲品杯做留念🤣好啦！反正可以一齊食🍿
已猶未盡嘅佢哋仲同朋友仔一齊直奔去「Halloween詭趣花園」，因為當中幾個「Trick-or-Treat趣玩站」都有惡人（ 其實一啲都唔惡😝）整蠱你，之後就可以拎到好多糖啦🍬🍭我哋仲見到跳跳虎都變身做萬聖節服裝造型呀，咁搞笑，梗係要影返張大合照（有冇發現兩隻🐒🐒成口都係糖？😆）！惡人仲話唔同時段都會有小熊維尼同好朋友輪住出現架！大家嚟緊會去嘅話記得搵佢哋影張相留念啦！
今次仲有全新音樂匯演「惡人舞動迪士尼」，其實所謂嘅惡人其實就係來自迪士尼故事裏面嘅壞蛋角色，我就認到有《小魚仙》、《101斑點狗》嘅惡人 ，其他嘅唔劇透，等大家到時估吓😝成班惡人配合燈光同埋音響效果一齊載歌載舞，當中仲穿插咗少少魔術同高難度體操表演，非常精彩絕倫🤩絕對值得一看呀！
而另一樣我覺得都好值得睇嘅就係「米奇Halloween玩轉大街派對」，因為所有迪士尼朋友同埋米奇都換咗萬聖節裝，以巡遊嘅形式載歌載舞，好熱鬧而且同觀眾有互動、大人同小朋友都好開心呀🥳一日只有一場咋，大家千祈唔好錯過啊！
睇完咁多表演，當然都要爭取時間玩機動遊戲啦！今次輪到爸爸媽媽直奔去玩未曾玩過既Iron Man 同Ant-Man，我哋仲野生捕獲到Spider Man🤣之後再去哥哥仔期待已久嘅Hyperspace Mountain，不過包包仔好多機動遊戲都玩唔到，為咗安撫佢我哋又去埋「瘋帽子旋轉杯」、「小熊維尼歷險之旅」再睇埋合家歡既「迪士尼魔法書房」❤
一輪精彩嘅節目之後已經天黑兼到咗晚飯時間啦！今次去咗我最愛嘅「大街餐廳」食萬聖節套餐🎃呢個套餐係同「可口可樂」聯乘，所以頭盤主菜同埋甜品裏面都包含咗芬達、雪碧同埋可樂元素，好特別啊！🤩我哋每款都點咗一個黎試下，唔單止好食，造型仲好趣怪添！哥哥仔開心到同我地講：「爸爸、媽媽！好多謝你帶咗我哋嚟迪士尼玩足成日同埋食咁豐富嘅晚餐，我好開心呀！」聽到佢發自內心既說話，我同老公都覺得好感動🥺
迪士尼樂園真係一個令人充滿幻想同快樂既奇妙國度，一日真係玩唔晒，而家佢哋做緊優惠，只需港幣$688就可以喺萬聖節期間暢玩樂園2次啦！
更多詳情🔎
https://www.hongkongdisneyland.com/zh-hk/disney-halloween-time/?CMP=SACCoopHal19HkHalEvnt1
#香港迪士尼樂園
#HKDisneyland
#迪士尼萬聖節
#DisneyHalloweenTime
#反轉迪士尼
#LetsGetWicked
Search